১। বিধিৰ দ্বাৰা প্ৰতিষ্ঠিত ভাৰতীয় সংবিধানৰ প্ৰতি আৰু সমাজৰ ধৰ্মনিৰপেক্ষতা আৰু গণতন্ত্ৰৰ প্ৰতি প্ৰকৃত বিশ্বাস আৰু আনুগত্যৰে দেশৰ সাৰ্বভৌমত্ব, ঐক্য আৰু অখণ্ডতা ৰক্ষা কৰা,

২। প্ৰকৃত যুক্তৰাষ্ট্ৰীয় (ফেডাৰেল) গাঁঠনিৰ ভিত্তিত ভাৰতীয় সংবিধানৰ ব্যাপক সংশোধন ঘটাই সচাঁ অৰ্থত গণতান্ত্ৰিক বিকেন্দ্ৰীকৰণ নীতি ৰূপায়ণৰ জৰিয়তে ৰাজনৈতিক সম-অধিকাৰ, অৰ্থনৈতিক উন্নতি আৰু সামাজিক ন্যায় প্ৰতিষ্ঠা কৰি ভাৰতৰ অংগ ৰাজ্য হিচাপে সক্ৰিয় ভূমিকা ল’ব পৰাকৈ শক্তিশালী অসম গঢ়া,
৩। মানৱ সম্পদৰ বিকাশ সাধি খনিজ, বনজ আৰু জলজ সম্পদ আদি থলুৱা প্ৰাকৃতিক সম্পদৰাজিৰ যথোপযুক্ত ভাৱে ব্যৱহাৰ কৰি তাৰ ভিত্তিত উদ্যোগ স্থাপনৰ জৰিয়তে নিয়োগৰ ক্ষেত্ৰ বহলাই উৎপাদন আৰু আয় বৃদ্ধি কৰি স্বাৱলম্বী অসম গঢ়া,
৪। ক্ষুদ্ৰ ৰাজনৈতিক স্বাৰ্থত জাতি, ধৰ্ম, বৰ্ণ, ভাষা, গোষ্ঠীৰ নামত পাৰস্পৰিক সন্দেহ আৰু অবিশ্বাসৰ ভাৱ বিয়পাই ভাগ ভাগ কৰা ঐতিহ্যমণ্ডিত অসমৰ বৃহৎ সমাজখন পাৰস্পৰিক সদ্ভাৱ, সহনশীলতা আৰু ভাতৃত্ববোধেৰে পুনৰ গঠন কৰা আৰু
৫। জাতি, ধৰ্ম, বৰ্ণ, ভাষা, গোষ্ঠী নিৰ্বিশেষে অসমৰ সমূহ জনগণক ৰাজনৈতিক ভাৱে সংগঠিত কৰি গণতান্ত্ৰিক উপায়েৰে অসমৰ তথা অসমবাসীৰ প্ৰাপ্য অধিকাৰ সাব্যস্ত কৰা।